Այս ապրանքային նշանը բաղկացած է անգլերեն լեզվով գրված Armenoid բառից։
Մտացածին բառերից հետո գրանցվելու ամենամեծ հավանականությունն ունեն այն ապրանքային նշանները, որոնք բաղկացած են բառարանային բառից, սակայն այդ բառը որևէ առնչություն չունի ապրանքային նշանով մակնշվող ապրանքների հետ։
Օրինակ՝ Armenoid ապրանքային նշանի տակ վաճառվելու են ժամացույցներ, գոտիներ, ակնոցներ և բլուզներ՝ ապրանքներ, որոնք armenoid բառի հետ որևէ առնչություն չունեն։
Նույն կերպ, օրինակ՝ համակարգիչներ են վաճառվում Apple ապրանքային նշանի տակ։
Եթե Apple ապրանքային նշանի իրավատերը ցանկանա խնձոր վաճառել Apple ապրանքային նշանի տակ և այդ նպատակով խնդրարկի Apple ապրանքային նշանի գրանցում նաև խնձոր վաճառելու համար, ապա մերժում կստանա։